මන්නාරමේ ජීවත් වෙන කාන්තාවෝ විදියට අපි නිතරම හමුදාවේ පරීක්ෂා කිරීම්වලට ලක් වෙනවා. අපේ බෑග් ඇතුළේ සමහර වෙලාවට සනීපාරක්ෂක තුවා තියෙනවා. කඩලා නැති අලුත් පැකට් තිබුණත් හමුදාවෙන් පැකට් එක කඩලා පෙන්නන්න කියනවා. ඉතාම පහත් විදියට විහිළු කරමින් අපිව අපහසුතාවයට පත් කරනවා.
මගේ මහත්තයා ධීවරයෙක්. එයාලාට මුහුදු යන්න අවසර දුන්නෙ නැති දවසක ඒ ඇයි කියලා අහන්න මම නාවික හමුදා කඳවුරට ගියා. එතකොට හමුදා නිලධාරීන් මට බැන්නා මේ අපේ ජනාධිපති, මේ අපේ රට, අපිට ඕනෙ නම් විතරයි උඹලට මුහුදු යන්න දෙන්නේ කියලා.
මම ගෙවතු වගාව කරලා තමයි ආදායමක් උපයන්නේ. දවසක් නාවික හමුදා කඳවුරෙන් ඇවිත් මම විකුණන්න තියෙන එළවළු සේරම දෙන්න කිව්වා. මම කිව්වා මම ඒවා විකුණලයි ජීවත් වෙන්නේ, නිකන් දෙන්න බැහැ කියලා. එතකොට ඔවුන් කිව්වා මින් පස්සේ උඹට වෙළඳාම් කරන්න දෙන්නෙ නෑ කියලා. හන්දියක් හන්දියක් ගාණේ නාවික හමුදාවට අයිති බාබර් සාප්පු, රෙදි කඩ, එළවළු කඩ, ආපනශාලා වගේ හැම දෙයක්ම තියෙනවා. මේ පැත්තේ සාමාන්ය මිනිස්සුන්ට වෙළඳාම් කරන්න ඉඩක් නෑ හමුදාව නිසා.
බාස්කරන් පාර්වතී
මන්නාරම
Similar Posts
හමුදාව මේ කරන්නේ අපේ පැත්තේ ව්යාපාර හිතාමතාම අවුල් කරන එක – සත්යසීලන්
මුත්තයාන්කට්ටු ප්රදේශයේ තියෙන මගේ අක්කර එක හමාරක ඉඩම හමුදාව අත්පත් කරගෙන ඉන්නේ. අපි පොඩි කාලේ ඉදලා ඒ වත්තේ රතුලූණූ අමු මිරිස් වගේ දේවල් වගා කළා. හමුදාවේ අවසරය මත මම මගේ ඉඩම බලන්න ගියා. මගේ ඉඩමේ තමයි කඳවුරේ කුස්සිය හදලා තියෙන්නේ. ඉඩම අපිට අයිති කාලේ මගේ අප්පා ඒ ඉඩමේ වගා කරලා හොඳ ආදායම් ගත්තා. මට හිතුණා…
හමුදාවේ මේ වගේ බාධා කිරීම් නිසා අපිට අපේ ජීවිකාව ගෙනියන්න බැහැ – රෝස්මේරි
දරුවන් හතර දෙනෙක් එක්ක මම තනිවෙන කොට වැඩිමල් දරුවාට වයස අවුරුදු 13 ක්. මුල් කාලයේ මම දරුවෝ එක්ක මහමඟ ජීවත් වුණා. පස්සේ පොඩි පැල්පතක් හදාගත්තා. මම ජීවිකාව ගෙනියන්නේ ඉස්සෝයි මුහුදු කූඩැල්ලෝයි අල්ලලා. මේ ප්රදේශයේ වැන්දඹු පවුල්වල ගෘහ මූලික කාන්තාවෝ ගොඩක් දෙනෙක්ගේ රස්සාව මේක. අපේ ගමේ තියෙන නාවිකා හමුදා කඳවුරේ අවසරයක් නැතුව අපිට මුහුදු යන්න බැහැ. රෑට…
ප්රජාතන්ත්රවාදී රටක මෙහෙම එක පිරිසක් බලය අයුතු විදියට භුක්ති විඳගෙන රටේ නීති රෙගුලාසිවලට පිටින් අත්තනෝමතික විදියට කටයුතු කරගෙන යන එක සාධාරණ ද? – ගජේන්ද්රන්
අපේ ප්රදේශවල හමුදාව අපේ එදිනෙදා ජිවිතයට, ව්යාපාරවලට ලොකු බලපෑමක් කරනවා. එයාලා කිසිම අංශයක් අත්හැරලා නැහැ. කොණ්ඩය කපන සැලුන් පවා පවත්වාගෙන යනවා. හෝටල්, ලොකු කෑම කඩ ඉඳලා පොඩි කූල්ස්පොට් දක්වා හමුදාව පවත්වාගෙන යනවා. මේකෙන් ව්යාපාරිකයන්ගේ ඉඳලා ස්වයංරැකියාවක් විදියට කෑම හදන අය දක්වා බලපෑමට ලක්වෙනවා. මේ හෝටල් ප්රාදේශීය සභාවල, මහජන සෞඛ්ය පරික්ෂකවරුන්ගේ පරික්ෂාවන්ට ලක් වෙන්නේ නැහැ. ගොවියෝ ගොවිතැන්…
