காலனித்துவ காலத்தில் இந்தியாவிலிருந்து கொண்டு வரப்பட்ட அடிமைகளாக இருந்த நாங்கள், தற்போதைய அரசியல்வாதிகளும் எங்களை அடிமைகளாகவே வைத்திருக்க விரும்புகிறார்கள் – தங்கராஜ் சசிகுமார்

NCEASLByNCEASL
Thangaraj Sasikumar Kotagala

நானும் என் மனைவியும் தோட்டத்தில் வேலை செய்கிறோம். எமது சமூகம் 200 வருடங்களை கடந்துள்ள போதிலும் இந்த நாட்டின் சட்டங்களில் குறிப்பிடப்பட்டுள்ள பெரும்பாலான உரிமைகளை நாம் சிறுபான்மையினத்தைச் சேர்ந்தவர்கள் என்பதனால் எம்மால் பயன்படுத்த முடியாது. 200 ஆண்டுகள் கடந்தாலும் எங்களுக்கு சொந்த நிலம் இல்லை. நில உரிமை இல்லாததால் அரசு வழங்கும் பெரும்பாலான சலுகைகளை பெற முடியாமல் தவிக்கிறோம். ஒரு தொழிலைத் தொடங்க வங்கியில் கடன் வாங்க நினைத்தாலும், அந்தக் கடனைத் தாங்கும் அளவுக்கு சொத்துக்கள் (நிலம்) இல்லாததால் அவர்கள் எங்களுக்குக் கடன் தருவதில்லை. எங்களிடம் முகவரி கூட இல்லை. இந்த தோட்டத்தில் வசிக்கும் 365 குடும்பங்களுக்கும் ஒரே முகவரிதான். எங்கள் வீடுகளுக்கு மின்சாரம் பெற வேண்டுமானால் கூட, எஸ்டேட் நிர்வாகத்திடம் இருந்து கடிதம் பெற வேண்டும், ஏனென்றால் எங்களுக்கு தனி முகவரி இல்லாததால் எங்கள் வீடுகளுக்கு அல்ல, தோட்டத்திற்கு மின் கட்டணம் செலுத்தப்படுகிறது. எங்களுக்கு நில உரிமை கிடைத்தால் எங்களுக்கு மற்ற அனைத்து உரிமைகளும் கிடைக்கும்.

மலையகம் 200ஐக் கொண்டாடுவது தேவையற்றது, ஏனென்றால் நாம் அனைத்து உரிமைகளையும் கொண்ட சமூகமாக இருந்திருந்தால் அது கொண்டாடப்பட வேண்டிய ஒன்று, ஆனால் இப்போது எங்களுக்கு அடிப்படை உரிமைகள் கூட இல்லை. நான் இப்போது வசிக்கும் வீடு எஸ்டேட் நிர்வாகத்திடம் அனுமதி பெற்று எனது சொந்தக் கூலியில் கட்டப்பட்டது. ஆனால் இன்று எங்களை வெளியேறச் சொன்னால் எங்களுக்கு நில உரிமை இல்லாததால் நாங்கள் வெளியேற வேண்டியிருக்கும். இது தொடர்பில் அரசியல்வாதிகள் பாராளுமன்றத்தில் சட்டத்தை முன்வைக்க முடியாவிட்டால் அடுத்தக்கட்ட நடவடிக்கை பற்றி சிந்தித்திருக்க வேண்டும் ஆனால் இந்த தோட்டத்தை ஒரே கட்சியே நீண்டகாலமாக ஆட்சி செய்து வருவதால் இந்த நிலையில் எந்த மாற்றமும் ஏற்படவில்லை. பிற சமூகங்கள் பயன்படுத்திய உரிமைகளை எங்களால் பயன்படுத்த முடியவில்லை.

காலனித்துவ காலத்தில் இந்தியாவிலிருந்து கொண்டு வரப்பட்ட அடிமைகளாக இருந்த நாங்கள், தற்போதைய அரசியல்வாதிகளும் எங்களை அடிமைகளாகவே வைத்திருக்க விரும்புகிறார்கள். ஒவ்வொரு முறையும் நாங்கள் எங்கள் இரத்தத்தையும் வியர்வையும் பயன்படுத்தி சம்பாதித்த கூலியைப் பெற போராட வேண்டியுள்ளது. கொரோனா காலத்தில் அனைவரும் ஊரடங்கு உத்தரவின் கீழ் இருந்தனர், ஆனால் அந்த நேரத்திலும் நாங்கள் வேலை செய்ய வேண்டியிருந்தது. அந்தக் காலத்தில் இந்த நாட்டின் பொருளாதாரத்தை உயர்த்திய சமூகமாக நாங்கள். பெரும்பான்மை மக்களே ஆட்சியில் இருப்பதால், பெரும்பான்மைக் குழுவின் மக்கள் எங்களை ஆதரித்து, எங்கள் வேண்டுகோளைக் கேட்டால், எங்களுக்கு விரைவான மாற்றம் கிடைக்கும் என்று நான் நம்புகிறேன்.

தங்கராஜ் சசிகுமார் 
கொட்டகலா

Similar Posts

மறுமொழியொன்றை இடுங்கள்

உங்கள் மின்னஞ்சல் வௌியிடப்பட மாட்டாது. கட்டாயமான புலங்கள் * ஆக குறிக்கப்பட்டுள்ளன