අපිට හිටියේ පුතායි, දුවයි. පුතාගේ නම මනෝකෝවානන්දන් රේගන් එතකොට පුතාට වයස අවුරුදු 21යි. මඩු පල්ලියට ගිහින් එන්න තමයි ගෙදරින් පිටත් වුණේ. අපි කවුරුත් පුතා එක්ක ගියේ නැහැ. වෙනදත් යාළුවෝ එක්ක ගිහින් එනවා. එදා පුතා පල්ලියේ ඉන්න වෙලාවේ ඇඳිරි නීතිය දාලා පාරවල් වහලා තියෙනවා. පුතා පල්ලියේ තමයි ඒ වෙනකොටත් ඉඳලා තියෙන්නේ. අහපු හැමෝම වගේ ම කිව්වා පුතා මාසයක් විතර පල්ලියේ නැවතිලා හිටියා කියලා. පියතුමත් දැකලා තියෙනවා පුතා පල්ලියේ ඉන්නවා. 2006.08.03 වෙනිදා එල්.ටී.ටී.ඊ. සංවිධානයෙන් ඇඳිරි නීතිය අයින් කළාට පස්සේ මගේ දරුවා ආයෙත් ගෙදර එන්න ඇවිත් තියෙනවා. එල්.ටී.ටී.ඊ. සංවිධානයෙන් එන්න දුන්නත් එතැනින් පස්සේ තිබුණු හමුදා කඳවුරෙන් හැඳුනුම්පත් බලනකොට පුතා ළඟ හැඳුනුම්පත තිබිලා නැති නිසා පුතාව අත් අඩංගුවට අර ගත්තා කියල දැකපු අය කිව්වා. අපි පුතාව හොයන්න ඒ කඳවුරට ගිහින් බැලුවා. ඒත් එහෙම කෙනෙක් එහේ නැහැ කියලා හමුදාවෙන් අපිට කිව්වා. මට හොඳටම විශ්වාසයි මගේ දරුවා තවම ඉන්නවා කියලා.
මනෝකෝවානන්දන්
උයිලාංකුලම්, මන්නාරම
Similar Posts
හැමදාම පුතාගේ පින්තූර බල බලා මම අඬනවා – මහේන්ද්රන් විජේකුමාරි
මට දරුවෝ හයක් ඉන්නවා. වැඩිමහල් පුතා මගධකාසන් මහේන්ද්රන්. එයා කළේ විදුලි කාර්මික වැඩ. පුතාට එතකොට වයස අවුරුදු විසි හතයි. ඒ 2007 පෙබරවාරි මාසේ. යාළුවෙක්ගේ මඟුල් ගෙදරකට උදව් වෙන්න හවස 1.30ට වගේ මෝටර් සයිකලෙන් පුතා පිටත් වෙලා ගියා. ගොඩක් වෙලා ගිහිල්ලත් පුතා ආවේ නැති නිසා අපි දිගටම කෝල් ගත්තා. කිසිදම ප්රතිචාරයක් නැති නිසා අපි පුතාව හොයන්න…
ඒ අය නම් කිව්වේ අමතක කරලා දාන්න කියලායි. ඒත් කොහොමද එහෙම අමතක කරන්නේ? – පේර්ඉන්බරාසා පේරේශ්වරී
අපිට ඉන්නේ දුවලා තුන්දෙනෙක්. එදා 2007 ජනවාරි 08 වෙනිදා. ඒ වෙනකොට පොඩි දුවගේ වයස අවුරුදු 02 යි. උදේ ඉඳන් දුවත් එක්ක සෙල්ලම් කර කර ඉඳලා මහත්තයා (නඩරාසා පෙරම්බරාසා) දවල් 1 ට විතර ගෙදරින් පිටත් වුණේ වව්නියාවට ගිහිං එන්නම් කියලා. මේ ගෙදර හදන්න ණයක් අරන් තිබුණේ. ඒ ණය වාරිකයත් ගෙවලා පෝරත් අරන් එන්නම් කියලා එහා ගෙදර…
කවදහරි මගේ ඇස් පියවෙන්න කලින් මගේ දරුවාව ආයෙත් දකින්න ලැබෙන්න කියලා තමයි මං දෙවියන්ගෙන් ඉල්ලන්නේ – බාලේන්ද්රන් ජෙයකුමාරි
මට හිටියේ පුතාලා තුන්දෙනයි දුවයි. මහත්තයායි ලොකු පුතාලා දෙන්නයි යුද්දේ නිසා මැරුණා. 2009 අවුරුද්ද වෙද්දී පොඩි පුතා සාමාන්ය පෙළ ඉවර වෙලා ගෙදර හිටියේ. ගෙදර වියදම සැර නිසා පොඩි පුතා ගෙදරින් ගියේ මොකක්හරි රස්සාවක් හොයාගන්න හිතාගෙන. එහෙම ගියපු මගේ දරුවා අද වෙනකම් ගෙදර ආවේ නෑ. පාරවල් පාරවල් ගානේ ඇවිද ඇවිද මං මගේ දරුවාව හෙව්වා. එතකොට සමහරු…
