මමයි මගේ බිරිඳයි දෙන්නම වැඩ කරන්නේ වත්තේ. අපේ මිනිස්සු වසර 200කට වැඩි කාලයක් ජීවත් වෙලා හිටියට අපි සුළුතර මිනිස්සු නිසා මේ රටේ නීතියේ ලියලා තියෙන ගොඩක් අයිතිවාසිකම් අපිට භුක්ති විඳින්න බැහැ. අපි අවුරුදු 200ක් ජීවත් වුණත් අපිට අපේම කියලා ඉඩමක් නැහැ. ඉඩම් අයිතිය නැති නිසා රජයෙන් දෙන ගොඩක් ප්රතිලාභ අපිට ලබාගන්න බැහැ. අපි ව්යාපාරයක් පටන්ගන්න බැංකුවෙන් ණයක් ගන්න ඕනේ වුණත්, ණය ගන්නකොට පෙන්නන්න වත්කම් (ඉඩම්) නැති නිසා අපිට ණය දෙන්නේ නැහැ.
අපිට ලිපිනයක්වත් නැහැ. මේ වත්තේ පදිංචි පවුල් 365ටම තියෙන්නේ එකම ලිපිනය. අපිට වෙනම ලිපිනයක් නැති නිසා අපේ ගෙවල්වලට විදුලිය ගන්න ඕනේ වුණත් වතු කළමනාකාරීත්වයෙන් ලියුමක් ගන්න වෙනවා. අපිට ඉඩම් අයිතිය ලැබුණොත් අනිත් ඔක්කොම අයිතිවාසිකම් ලැබෙනවා.
අපිට මූලික අයිතිවාසිකම්වත් නැහැ. මම දැන් පදිංචි වෙලා ඉන්න ගෙදර වතු කළමනාකාරිත්වයෙන් අවසර අරගෙන මගේ පඩියෙන් හැදුවේ. නමුත් අපිට අද මෙතැනින් යන්න කිව්වොත් අපිට ඉඩම් අයිතියක් නැති නිසා යන්නම වෙනවා.
අපි යටත් විජිත කාලේ ඉන්දියාවෙන් ගෙනාවේ වහල්ලු විදියට. දේශපාලකයෝත් කැමති අපිව වහල්ලු විදියටම තියාගන්න. අපේ ලේ දහඩිය මහන්සියෙන් හම්බ කරපු පඩිය ගන්නත් අපිට හැම වෙලාවකම උද්ඝෝෂණ කරන්න වෙනවා. කොරෝනා කාලේ හැමෝම ඇඳිරි නීතිය යටතේ හිටියත් ඒ කාලෙත් අපිට වැඩ කරන්න සිද්ධ වුණා. අපි එදා මේ රටේ ආර්ථිකය වැටෙන්න නොදී තියාගත්ත මිනිස්සු. මේ රටේ අනිත් මිනිස්සු අපිට සහයෝගය දීලා අපේ ඉල්ලීම්වලට ඇහුම්කන් දෙනවා නම් වෙනසක් වෙයි කියලා මම විශ්වාස කරනවා.
තංගරාජ් සසිකුමාර්
කොටගල
Similar Posts
අපි කිලෝ 20ට අඩුවෙන් කැඩුවොත් අපිට ලැබෙන්නේ රුපියල් 500 යි – තිරුචෙල්වි
අපිට පඩි ලැබෙන්නේ අපි වැඩට යන දවසට විතරයි. රුපියල් 1000ක් ලැබෙන්නේ දවසකට අනිවාර්යෙන් තේ දළු කිලෝ 20ක් කඩන්න ඕන. අපි කිලෝ 20ට අඩුවෙන් කැඩුවොත් අපිට ලැබෙන්නේ රුපියල් 500 යි. දවස් 22ක් වැඩ කළොත් මාසෙකට රු. 14,000 ක් ලැබෙනවා. අපි කිලෝග්රෑම් 20 ට වඩා වැඩිය කැඩුවොත්, අමතර කිලෝ එකකට රුපියල් 40 ගාණේ දෙනවා. තේ දළු නැති…
ස්ථිර ලිපිනයක් නැති නිසා මිනිසුන්ට විශ්වවිද්යාල අවස්ථා, රැකියා අවස්ථා වගේ දේවල් අහිමි වෙලා තියෙනවා – ශාන්ති
අපිටම කියලා වෙනම ලිපින නැති නිසා අපිට ලැබෙන ලියුම් එන්නේ වත්තේ නමට. ස්ථිර ලිපිනයක් නැති නිසා මිනිසුන්ට විශ්වවිද්යාල අවස්ථා, රැකියා අවස්ථා වගේ දේවල් අහිමි වෙලා තියෙනවා. අපේ ළමයින්ට ඉස්කෝලවලින් එවන ලියුම් අපිට ගන්න බැරි එක අපිට ලොකු ප්රශ්නයක්. අනිත් ලියකියවිලිවලටත් අපේම ලිපිනයක් නැති එක ලොකු ගැටළුවක්. ඔක්කොම ලියුම් වත්තේ නම යටතේ එන නිසා ලියුම් අපිට…
සමහර වෙලාවට අවසර ලැබුණත් අපිට මෙය් ගෙවල්වල අයිතියක් නැහැ – දිනේෂ් කුමාර්
මලෛයහ දෙමළ මිනිස්සුන්ට ශ්රී ලංකාවේ අවුරුදු 200ක ඉතිහාසයක් තියෙනවා කියලා හරි ආඩම්බරයෙන් කියනවා. ඒ වුණාට මේ ප්රදේශයේ ග්රාම නිලධාරී වසම් දාහතරක් තිබුණත් තාමත් අපිට තියෙන්නේ අඩි හතරේ කාමර වගේ ගෙවල්. මේ ලයින් ගෙවල්වල අපි තවමත් ජීවත් වන්නේ හරි සනීපාරක්ෂාවක් අධ්යාපනික පහසුකම් නැතුව, ආර්ථික ප්රශ්න දුප්පත්කම එක්ක, අවස්ථා නැතිකම, ළමා අපචාර, ළමා ශ්රමිකයෝ, මත්ද්රව්ය වගේ එක…
අපිට ඕනේ විදියට තීරණ අරගෙන අපේම ඉඩමක ගෙවල් හදාගන්න අපිට අයිතියක් නැහැ – තංගවේල් චිත්රවේල්
රටේ අනිත් මිනිස්සුන්ට වගේ අපිට අපේ කියලා අනන්යතාවයක් නැහැ. අපිව හඳුන්වන්නේ ඉන්දියානු දෙමළ කියලා. ඒ වුණාට අපි අපිව හඳුනගන්නේ මලෛයහ (කඳුකර) දෙමළ ජනතාව විදියට. මේ රටට වැඩිම ආදායමක් ගේන තේ වවන්නේ අපි. ඒත් වැටුම විදියට අපිට සාධාරණ මුදලයක් ගෙවන්නේ නැහැ. තව වෙනතුරු අපිට ස්ථිර ලිපින නැහැ. අපිට ඕනේ විදියට තීරණ අරගෙන අපේම ඉඩමක ගෙවල් හදාගන්න…
දවසට තේ දළු කිලෝ 18-20ක් කැඩුවොත් තමයි රුපියල් 1000ක් ලැබෙන්නේ – ධනලක්ෂ්මි
අපි හිටිය ලයින් ගෙවල් ජීවත් වෙන්න බැරි තත්වයට අබලන් වෙලා තිබුණ නිසා අලුත් ගෙවල් හදනවා කියලා වතු පාලකවරු කිව්වා. ඒ ගෙවල් හදන්න පටන් ගත්තේ 2018. හදපු ගෙවලුත් හරියට හදලා ඉවර නැහැ. අඩුපාඩු ගොඩක් තියෙනවා. මේ ගෙවල් හැදුවට අපිට මේ ඉඩම් අයිති නැහැ. අපිට මේවයේ ඔප්පු දීලා නැහැ. මේ ළඟදි මෙහේ වැසිකිළි පහසුකම් නැති නිසා වයසක…
අපි අපේම රටේ වහල් ජීවිතයක් ගත කරනවා – සිවසුබ්රමනියම්
අපිට තාවකාලික පුරවැසි සහතිකයක් දුන්නා. අපිට නිවාස අයිතිය, ඉඩම් අයිතිය, පුරවැසි අයිතිය නැහැ. අපිට නිවාස අයිතිය දුන්නා නම් අපිට ලිපිනයක්, ගෙදරට අංකයක් තියෙයි. අපිට තවම අපේම ලිපිනයක් නැහැ. අපිට එන ලියුම් යන්නේ වතු පරිපාලන කාර්යාලයට. හැමදේම තියෙන්නේ අපේ රටේ පාලකයන් අතේ. එයාලාට ඕන නම් අපේ පඩිය වැඩි කරන්න පුළුවන්. වතුකරය පෞද්ගලීකරණය කළාට පස්සේ සෞඛ්ය සේවය…
