අපි හිටිය ලයින් ගෙවල් ජීවත් වෙන්න බැරි තත්වයට අබලන් වෙලා තිබුණ නිසා අලුත් ගෙවල් හදනවා කියලා වතු පාලකවරු කිව්වා. ඒ ගෙවල් හදන්න පටන් ගත්තේ 2018. හදපු ගෙවලුත් හරියට හදලා ඉවර නැහැ. අඩුපාඩු ගොඩක් තියෙනවා. මේ ගෙවල් හැදුවට අපිට මේ ඉඩම් අයිති නැහැ. අපිට මේවයේ ඔප්පු දීලා නැහැ. මේ ළඟදි මෙහේ වැසිකිළි පහසුකම් නැති නිසා වයසක තාත්තා කෙනෙක් එයාගේ දුවව වෙන පැත්තකට අරගෙන ගියා. අපි වතු කළමනාකාරීත්වයෙන් ප්‍රශ්න අහන්න බයයි. අපි කන තැන, ඒ කියන්නේ ගස් යට හරි පාරවල්වල හරි තමයි අපි තේ දළු කිරන්නේ. මම මගේ දරුවන්ව තේ දළු කිරන තැන තියලා වැඩ කරන අතරේ දුවලා එනවා එයාලට කිරි දීලා යන්න. දවසට තේ දළු කිලෝ 18-20ක් කැඩුවොත් තමයි රුපියල් 1000ක් ලැබෙන්නේ.
ධනලක්ෂ්මි
නෝනාතෝටම්
Similar Posts
අපි යටත් විජිත කාලේ ඉන්දියාවෙන් ගෙනාවේ වහල්ලු විදියට දේශපාලකයෝත් කැමති අපිව වහල්ලු විදියටම තියාගන්න – තංගරාජ් සසිකුමාර්
මමයි මගේ බිරිඳයි දෙන්නම වැඩ කරන්නේ වත්තේ. අපේ මිනිස්සු වසර 200කට වැඩි කාලයක් ජීවත් වෙලා හිටියට අපි සුළුතර මිනිස්සු නිසා මේ රටේ නීතියේ ලියලා තියෙන ගොඩක් අයිතිවාසිකම් අපිට භුක්ති විඳින්න බැහැ. අපි අවුරුදු 200ක් ජීවත් වුණත් අපිට අපේම කියලා ඉඩමක් නැහැ. ඉඩම් අයිතිය නැති නිසා රජයෙන් දෙන ගොඩක් ප්‍රතිලාභ අපිට ලබාගන්න බැහැ. අපි ව්‍යාපාරයක් පටන්ගන්න…
සමහර වෙලාවට අවසර ලැබුණත් අපිට මෙය් ගෙවල්වල අයිතියක් නැහැ – දිනේෂ් කුමාර්
මලෛයහ දෙමළ මිනිස්සුන්ට ශ්‍රී ලංකාවේ අවුරුදු 200ක ඉතිහාසයක් තියෙනවා කියලා හරි ආඩම්බරයෙන් කියනවා. ඒ වුණාට මේ ප්‍රදේශයේ ග්‍රාම නිලධාරී වසම් දාහතරක් තිබුණත් තාමත් අපිට තියෙන්නේ අඩි හතරේ කාමර වගේ ගෙවල්. මේ ලයින් ගෙවල්වල අපි තවමත් ජීවත් වන්නේ හරි සනීපාරක්‍ෂාවක් අධ්‍යාපනික පහසුකම් නැතුව, ආර්ථික ප්‍රශ්න දුප්පත්කම එක්ක, අවස්ථා නැතිකම, ළමා අපචාර, ළමා ශ්‍රමිකයෝ, මත්ද්‍රව්‍ය වගේ එක…
මේ බලන්න මට මාසෙකට ලැබෙන්නේ කීයද කියලා රු. 2200 යි. අපේ කරන්ට් බිල 1200 යි – රවීන්ද්‍රන්
අපේ පවුලේ පස් දෙනෙක් ඉන්නවා. මට ළමයි තුන්දෙනෙක් ඉන්නවා. මගේ බිරිඳ වත්තේ වැඩට යනවා. මම මෙහෙ පෞද්ගලික එළවළු වත්තක වැඩට යනවා. ආදායමක් කියලා තියෙන්නේ දවසේ වැඩ කුලිය විතරයි. මගේ බිරිඳට රුපියල් 1500ක් ලැබෙනවා, ඒකෙන් රුපියල් 500ක් බස් එකට යනවා. ගෙදරට ඉතුරු රුපියල් 1000 යි. මේ බලන්න මට මාසෙකට ලැබෙන්නේ කීයද කියලා. රු. 2200 යි. අපේ…
ඉස්කෝලේ වියදම් කරන්න බැරි නිසා පොඩි පුතා රස්සාවට යන්නේ – එස්. නාගලොගිනි
මේ පැල්පතට එන්න කලින් අපි හිටියේ ලයින් ගෙවල්වල. එහේ කිසිම පහසුකමක් තිබුණේ නැහැ. අපි ඒ හිටියත් කුලියට. කරන්ට් එකවත් වැසිකිළි පහසුකම් වත් තිබුණේ නැහැ. මෙතැනත් අයිති වත්තට. කළින් මෙතැන වෙන කෙනෙක් හිටියේ. අපි එයාට සල්ලි දීලා මෙතැන ගත්තා. අපි ළඟ ලියුමක් තියෙනවා. ඔප්පුවක් නැහැ. මමයි මහත්තයායි දෙන්නම වැඩ කරන්නේ වත්තේ. අපි අවුරුදු 4 ක් තිස්සේ…
අපි අපේම රටේ වහල් ජීවිතයක් ගත කරනවා – සිවසුබ්‍රමනියම්
අපිට තාවකාලික පුරවැසි සහතිකයක් දුන්නා. අපිට නිවාස අයිතිය, ඉඩම් අයිතිය, පුරවැසි අයිතිය නැහැ. අපිට නිවාස අයිතිය දුන්නා නම් අපිට ලිපිනයක්, ගෙදරට අංකයක් තියෙයි. අපිට තවම අපේම ලිපිනයක් නැහැ. අපිට එන ලියුම් යන්නේ වතු පරිපාලන කාර්යාලයට. හැමදේම තියෙන්නේ අපේ රටේ පාලකයන් අතේ. එයාලාට ඕන නම් අපේ පඩිය වැඩි කරන්න පුළුවන්. වතුකරය පෞද්ගලීකරණය කළාට පස්සේ සෞඛ්‍ය සේවය…
ස්ථිර ලිපිනයක් නැති නිසා මිනිසුන්ට විශ්වවිද්‍යාල අවස්ථා, රැකියා අවස්ථා වගේ දේවල් අහිමි වෙලා තියෙනවා – ශාන්ති
අපිටම කියලා වෙනම ලිපින නැති නිසා අපිට ලැබෙන ලියුම් එන්නේ වත්තේ නමට. ස්ථිර ලිපිනයක් නැති නිසා මිනිසුන්ට විශ්වවිද්‍යාල අවස්ථා, රැකියා අවස්ථා වගේ දේවල් අහිමි වෙලා තියෙනවා. අපේ ළමයින්ට ඉස්කෝලවලින් එවන ලියුම් අපිට ගන්න බැරි එක අපිට ලොකු ප්‍රශ්නයක්. අනිත් ලියකියවිලිවලටත් අපේම ලිපිනයක් නැති එක ලොකු ගැටළුවක්. ඔක්කොම ලියුම් වත්තේ නම යටතේ එන නිසා ලියුම් අපිට…
