හමුදාව එනකොට මේ ප්රදේශයේ ගෙවල් 34ක් තිබුණා. හමුදාව කිව්වේ එයාලා ඉන්නේ තාවකාලිකව කියලා. නමුත් එයාලා දිගටම ස්ථිරව නැවතුණා. 2011.11.08 මිනිස්සු උද්ඝෝෂණයක් කළා. උද්ඝෝෂණයෙන් පස්සේ හමුදා සෙබළුන් දෙන්නෙක්ව හැමෝම හිටිය හට් එක ළඟට දැම්මා. හමුදාව ආවාට පස්සේ මේ පැත්තේ පවුල් නවයක් හිරකාරයෝ වගේ වුණා. අනිත් හැමෝම එළවනකොට මෙතැනින් ගියා. මිනිස්සුන්ගේ විරෝධයෙන් පස්සේ සහ අධිකරණ තීන්දුවකින් 2019.01.15 අක්කර 39ක ඉඩම් නිදහස් කළා. ප්රාදේශීය ලේකම්වරයා කියන විදියට දිස්ත්රික්කයේ ඉඩම් අක්කර 130ක් තියෙනවා. හමුදාව ඉඩම් ඔක්කොම තමන්ගේ යටතට අරගෙන අක්කර 59ක් තියාගෙන නිදහස් කළේ අක්කර 39ක් විතරයි.
නමුත් වනජීවී දෙපාර්තමේන්තුව දිගින් දිගටම නඩු පවරන හින්දා මිනිස්සුන්ට නිදහස් කරපු ඉඩම්වත් පාවිච්චි කරන්න විදියක් නැහැ. මෙතැනින් ගිය මිනිස්සුන්ට ආයේ ඇවිත් පදිංචි වෙන්න විදියක් නැහැ. එහෙම කළොත් වනජීවී නිලධාරීන් එයාලාට විරුද්ධව නඩු දානවා. මේ ප්රශ්නය සම්බන්ධයෙන් අපි ප්රාදේශීය ලේකම්තුමිය ළඟට ගියාම එයාලා අපිට වනජීවී බලධාරීන් ඉඩම ලබාගන්න නිකුත් කරපු ලියුමක් දුන්නා. ලියුම් ලැබුණට අපේ ඉඩම දීලා අපි කොහේ යන්නද? වනජීවී දෙපාර්තුමේන්තුව අධිකරණයේ නඩු දාලා තිබුණට මේ ඉඩම්වලට අයිතිවාසිකම් කියන්න එයාලා ළඟ කිසිම සාක්ෂියක් නැහැ.
දැනට එක් කොටසක හමුදා සෙබළු ඉන්නවා, අනිත් කොටසේ අපි ඉන්නවා. අපි උද්ඝෝෂණ කළාම අපිව අත්අඩංගුවට අරන් හිරේ දැම්මා. අපිට මේ අයුක්තියට නිශ්ශබ්දව ඉන්න වෙලා තියෙනවා. අවුරුදු අටකට වැඩි කාලයක් අපේ ජීවනෝපාය සම්පූර්ණයෙන්ම නැවතුණා. අපේ පවුලේ පස් දෙනෙක් ඉන්නවා. අපි ජීවත් වෙන්නේ ගොඩක් දුෂ්කරතා මැද. අපේ ඉඩම් ආයේ අපිට දෙන්න කියන එක තමයි අපේ ඉල්ලීම.
ඒ.එම්.මිස්බාකු
ආලිම් චේනෛ, අම්පාර
Similar Posts
හමුදාව නිතරම අපි දිහා ඇහැ ගහගෙන ඉන්නේ – කදීජා
මේ අපේ අම්මයි තාත්තයි අපිට දීලා ගිය තැන. මම උස් මහත් වුණ තැනක මේක. මම පසුගිය අවුරුදු 60 පුරාම ජීවත් වුණේ මෙතැන. අපේ අසල්වැසියන්ට අපිත් එක්ක පදිංචි වෙන්න විද්යක් නැහැ. මොකද හමුදාව එයාලාගේ ඉඩම් අත්පත් කරගෙන ඉන්නේ. හමුදාව නිතරම අපි දිහා ඇහැ ගහගෙන ඉන්නේ. මේ වෙලාවේ කිසිම දෙයක් කරගන්න බැරි තත්ත්වයක අපි ඉන්නේ. ජීවනෝපායක් කරගන්න…
බලධාරීන් මේ ප්රශ්නයට ස්ථිර විසඳුමක් දෙනකම් අපි අපේ සාමකාමී සටන දිගටම කරගෙන යනවා – කිරි ගොවීන්
මයිලත්තමඩු, මාදවනෛ ප්රදේශයේ ගවයෝ ලක්ෂ හතරහමාරක් සහ ගොවීන් 3200ක් හිටියා. මිනිසුන් 3200 ක් මෙහේ ජීවත් වුණා, ඒකෙන් 980 ක් ගොවියෝ. ඉතිරි අය ගොවීන්ගේ සේවකයෝ විදියට පඩි ලබන අය. 2011 අවුරුද්දේ ඉඳලා අම්පාර දිස්ත්රික්කයේ මහඔය සහ පොළොන්නරුව දිස්ත්රික්කයේ අරංගන්විල, දෙහිඅත්තකණ්ඩිය ප්රදේශවල සිංහල මිනිස්සු මේ ප්රදේශ අල්ලගෙන පදිංචි වෙන්න පටන් ගත්තා. තෘණ භූමි විදියට නීත්යානුකූලව වෙන්කර තිබුණ…
STF එක ඒක පුහුණු කදවුරක් කරන්න අර ගෙවල් ටික අයින් කළා – අශෝකා දයානි
අපේ ගමට ඉස්සර කිව්වෙ පනහට පනහේ ගම කියලා.දෙමළ සිංහල දෙගොල්ලෝ එකට හිටියා. ඒ යුද්ධයේ දරුණුම කාලය. STF එකෙන් අපේ ගමට වෙඩි තියාගෙන ආවා දෙමළ ගමක් කියලා හිතලා. අපේ අක්කාගේ ගේ ගිනි තිබ්බා. අක්කාගෙ මහත්තයා දුවද්දි බෝම්බයක් ගහලා, වෙලාවට ඒක පත්තුවෙලා නැහැ. ගෙදරක බුදුපිළිමයක් දැකලා තමයි මේ ගම සිංහල කියල දැනගෙන තියෙන්නේ. මගේ අයියා බැන්දේ දෙමළ…
අපේ ඉල්ලීම තමයි හමුදාව අපේ ඉඩම් ආපසු අපිට දීලා මෙතැනින් අයින් වෙන්න ඕනේ කියන එක – යූ.ටී. සුවයිතා
මෙහේ 69 දෙනෙකුගේ ඉඩම් හමුදාව බලෙන් අල්ලාගෙන ඉන්නවා. අපිව අපේ ඉඩම්වලින් එළවා දාපු දා සිට අපි ජීවත් වෙන්නේ මෙහේ. ප්රශ්න ගොඩක් මැද ජීවත් වෙන අපිට තියෙන ලොකුම ප්රශ්නය අලි ප්රශ්නය. අපිට ජීවත් වෙන්න සිද්ධ වෙලා තියෙන්නේ ලොකු දුෂ්කරතා මැද. අලි නිසා රෑට වැඩ ඇරිලා ගෙදර එන්නවත්, ඇවිත් නිදාගන්නවත් බැහැ. දැන් අපි පොඩි පැල්පතක් හදාගෙන ඒක…
අක්කර 25ක ඉඩමක අයිතිකාරයෙක් වුණ මට දැන් මගේ ඉඩමෙන් පොල් ගෙඩියක්වත් කඩා ගන්න අයිතියක් නැහැ – කමලාවල්ලී
මම ඉපදුනේ මාතලේ. මේ ඉඩම නිසයිමයි මං කේපාපිලව් ආවේ. මට අක්කර 25ක ඉඩමක් තියෙනවා, ඒකේ අඹ ගස් 22ක් තිබුණා, අක්කර 18ක පොල්ගස් තිබ්බා, ගෙයක්, ළිඳක් තිබ්බා. කළපුව පැත්තෙ ලොකු සියඹලා ගහක් තිබ්බා. දැන් හමුදාව එතැන පදිංචි වෙලා. අපි රජයට කිව්වා, අපේ අයිතිවාසිකම් වෙනුවෙන් උද්ඝෝෂණ කෙරුවා. ඒත් තව වෙනතුරු අපේ ඉඩම් අපිට ආපහු දුන්නේ නැහැ. අද…
තවමත් මේ එහා පැත්තේ ඉඩමේ හමුදාවෙන් ඉන්නවා බලහත්කාරයෙන් – සෙල්ලම්මා
අපි අපේම ගෙදරක සතුටින් ජීවත් වුණා. මට ළමයි 9 දෙනෙක් ඉන්නවා, හැමෝම විවාහ වුණේ අපේම ගෙදර. ගේ වටේට අපිට ලොකු වත්තක් තියෙනවා. 1985 දී මගේ පුතාවයි බෑනාවයි තවත් පිරිසක් එක්ක අරගෙන ගිහින් හමුදාවෙන් මරලා දැම්මා. 2009 අපි යුද්ධය නිසා අවතැන් වෙලා ඉඳලා ආපහු එද්දි අපේ ගෙදර හමුදාව අල්ලාගෙන තිබුණා. ඒ නිසා අපි 2011 දී ගෙදරක්…
